INFORME SOBRE BIBLIOTECAS ESCOLARES

O 15 de xuño de 2017 a Subdirección General de Estadística y Estudios do Ministerio de Educación, Cultura e Deporte publicou o informe estatístico sobre a situación das bibliotecas escolares a nivel estatal no curso 2015-2016.
Os resultados pódense consultar por comunidade autónoma ou por provincia.
Analízanse 45 aspectos referidos a:

• Bibliotecas do centro.
  
• Instalacións e equipamentos.
  
• Colección.
  
• Uso das tecnoloxías da información e a comunicación:
  
• Uso e usuarios. Actividades.
  
• Xestión
  
• Gastos e orzamentos.
  
• Persoal.
  

As bibliotecas escolares de Galicia ostentan unha posición relevante en todos os items que se analizan, pero destaca naqueles aspectos que se veñen priorizando dende os programas da Asesoría de bibliotecas escolares e a rede de formación do profesorado: 

https://es.pinterest.com/pin/427842033341672921/

A alfabetización múltiple, que actualiza o concepto de lectura e que a UE define como “comprensión, utilización e avaliación crítica de diferentes formas de información, incluídos os textos e imaxes, escritos, impresos ou en versión electrónica” é hoxe unha capacitación (por non dicir competencia) imprescindible para a cidadanía.

https://es.pinterest.com/pin/427842033341644193/

A Alfabetización Informaciónal é xa unha realidade asentada que se traballa sistemáticamente nas nosas bibliotecas, como se reflicte nos resultados do informe. Ademais da asignatura de libre configuración, Investigación e Tratamento da Información (INEIN), para ESO e Primaria, a maioría das bibliotecas programan actividades ALFIN. 
Existen experiencias ben interesantes, rigurosas e ben estructuradas, de alfabetización audiovisual.

  O Plan LÍA contempla o seu desenvolvemento como unha das prioridades das bibliotecas escolares galegas.
A compensación de desigualdades é un punto significativo na programación anuais; acadar unha biblioteca totalmente inclusiva é un dos retos do Plan LÍA 2016-2020

Biblioteca escolar. Os proxectos documentais no CAFI

Neste primeiro trimestre do curso celebraremos no CAFI, en Santiago de Compostela, o curso S1401067  Biblioteca escolar. Os proxectos documentais no que traballaremos sobre a aprendizaxe baseada en proxectos e o papel da biblioteca escolar no desenvolvemento das competencias.
Esta infografía do CFR de Pontevedra aporta un punto de partida para orientarnos na temática que se abordará neste curso.

Entre o día 22 de outubro e o 26 de novembro, celebraremos no CAFI de Santiago de Compostela o curso Biblioteca escolar. Educación documental II. Os proxectos documentais.

Presentaremos experiencias valiosas das nosas bibliotecas, contaremos con Rosa Piquín a través de videoconferencia e para titorizar a fase práctica na Aula Virtual e co profesor Francisco Campos Freire, membro do grupo de investigación Novosmedios, que falará sobre a Axenda Dixital Europea.

O prazo de inscrición en Fprofe remata o día 5 de outubro.

Realidade aumentada en bibliotecas

 Compartín en Facebook un enlace de Leer.es que me levou ao portal de Lectura Lab, o laboratorio de lectura da Fundación Germán Sánchez Ruipérez . Lectura Lab , un proyecto para el fomento de la lectura, esta vez en forma de comunidad 2.0 y con la literatura infantil y juvenil y las nuevas tecnologías como principal protagonista.

No artigo enlazado a través de Leer.es , Nueve usos de la realidad aumentada en bibliotecas, presentan as suxerencias de Anthony Humphries. A min pareceume especialmente interesante, para o seu uso dentro dunha biblioteca escolar e con todoas as precaucións, esta 6º suxerencia. :

Inducción / busca do tesouro: O alumnadopode escanear a imaxe dunha zona da biblioteca para que amose un vídeo con instruccións de como utilizar esa área da biblioteca; co vídeo aparecera unha nova pregunta que leva o xogo a outra zona da biblioteca.

No mesmo artigo ofrecen o exemplo da utilización que a Biblioteca de Muskiz, Bizkaia, fai desta realidade aumentada en aspectos como a recomendación de lecturas ou consulta do catálogo.

Encontros do Plan de mellora de bibliotecas escolares 2011/2012

Vídeo-resume dos Encontros do Plan de mellora de bibliotecas escolares 2011/2012 celebrados en Santiago de Compostela os días 19 e 20 de abril, coa asistencia de responsables ou membros dos equipos de bibliotecas incluídas neste programa da Consellería de Cultura, Educación e Ordenación Universitaria

Encontros do PLAMBE. Bibliotecas Escolares e outras...

bibliotecas from SonCine on Vimeo.

COMPRENSIÓN LECTORA

Como estamos a falar de lingua, de bibliotecas, da linguaxe das novas (ou xa non tan novas) tecnoloxías, de Proxecto Lector de Centro, ...
gustaríame compartir esta presentación de Cristina Novoa da que podemos tirar moitas e moi boas ideas.

Comprension Lectora Mellora Exitoescolar

View more presentations from BEGA.

NADAL DIXITAL

CEIP CONDESA DE FENOSA

Un dos relatores do curso será Xoaquín C. Feijeiro, responsable da Biblioteca Escolar do Ceip Condesa de Fenosa, O Barco de Valdeorras, Ourense. É moi instructivo e moi motivador dar unha volta pola páxina e polo Blog da Biblioteca
Forma parte do PLAMBE desde o ano 2007.
Ben me gustaría poñer máis fotos, pero non é de recibo andar a roubarlles imaxes.

Curso:Proxectos Lectores. Biblioteca Escolar, espazo para a lectura - II

Empezamos o día 5 de novembro un novo curso de Bibliotecas Escolares do CFR de Santiago de Compostela, dentro do plan de formación do profesorado do curso 2009-2010.
Espero que esta bitácora sexa de utilidade para comunicarnos.
Aquí poderemos colgar materiais, enlaces e información de utilidade.
De momento pódovos ofertar algo de bibliografía e algúns enlaces interesantes.
Vémonos no curso.