BookTubers: multialfabetizacións e literatura.

Booktube é unha comunidade de lectores, polo xeral moi novos e , que, a través dos vídeos de youtube, comparten a súa afección pola lectura, presentan e comentan libros.

En xullo de 2014 o blogue Infotecarios, dedicaba unha entrada ao Fenómeno BookTube.

Rematando o 2015, o fenómeno BookTube xa está aquí; os rapaces e rapazas lectores teñen unha vida social moi activa e influencia na rede. Manexan diversas linguaxes, multialfabetismos, e utilizan as posibilidades que lles facilita a rede para crear contidos e compartilos 

O sistema educativo aínda non o considera, pero hai editoriais que se implican, algunhas canles xa teñen empresas patrocinadoras, anunciantes... Editoras e autores apoian e aproveitan estas novas vías de difusión.

É interesante este artigo de Luciana Monteblanco, que me pasou Nacho Rodiño: Comunidades en red en la Sociedad de la Información: informan, comunican, conectan. El fenómeno Booktube.

Cal é o papel do profesorado como formador de lectores, introductores no mundo da literatura? Temos aínda algo que aportar na formación do lector literario?

NOVAS ADQUISICIÓNS NA BIBLIOTECA DO CAFI

Na biblioteca do CAFI reuníronse as bibliotecas das tres seccións do desaparecido CFR de Santiago. Dende hai tres anos o departamento (unipersoal) de bibliotecas escolares vense ocupando da selección dos fondos existentes, do imprescindible expurgo, da revisión da catalogación, da organización dos materiais e da actualización da colección. Queda aínda moito por facer, pero o esforzo non estaría xustificado se non tivera repercusión entre os usuarios para os que traballamos.

A nosa intención é formar unha biblioteca útil para o profesorado. Como o espazo físico do que dispoñemos é moi limitado, e o mesmo se pode dicir do orzamento, cómpre poñer especial atención na escolla dos materiais e completar, no posible, esta oferta cunha boa selección de recursos e contidos dixitais recollidos no pínterest e no scoop.it do departamento.

BIBLIOTECA ESCOLAR E PROXECTOS DOCUMENTAIS

Este luns, 17 de novembro, comeza na EGAP (Santiago de Compostela) un curso sobre proxetos documentais en biblioteca escolar que trata de dar resposta ás demandas, xa de vello, do profesorado e que se incrementaron co concurso de TRABALLOSPOR PROXECTOS, convocado no pasado marzo poa dirección Xeral de Centros e Recursos Humanos da Consellería de Cultura, Educación e Ordenación Universitaria dentro do PLAN LIA 2010/15, no que resultaron premiados proxectos de variada temática; este ano centrose unha das modalidade na ciencia. .

Na resolución do concurso, de 30 de outubro, foron galardoados 16 centros:  

•  Na modalidade de Proxectos Documentais Integrados, coordinados pola biblioteca escolar:

 

• No apartado de temática xeral:
  •  A alimentación, do CEIP Mestres Goldarde Vigo
  • Bergondo nun conto, do CPI Cruz do Sar de Bergondo
  • E Agromará outro bosque, do CPI SuárezMarquier de O Rosal.
   

• No apartado de ciencias

• Riada de libros, do CEIP Agro do Muíño de Ames. 
• As plantas, do CEIP Espiñeira-Aldán de Cangas. 
• Medindo e contando, do CEIP P.Alexandre Bóveda de Redondela.

• Na modalidade de Proxectos de Investigación de Grupo ou Nivel 
• No apartado de temática xeral:

• En marzo pintamos con Miró, da EEI deVide, As Neves 
• Mulleres con valor, do IES Xoán Montes de Lugo.

• No apartado de ciencias

• Comesán 2014. Aprendo a investigar, CPI S.Vicente, A Baña.

• Viaxe polo universo, CEIP A Rúa, Cangas.

• Na modalidade de Proxectos de Investigación de Ciclo/Departamento

• No apartado de temática xeral:

• Tralas pegadas do home na historia, doCEIP Porto de Cabeiro de Redondela

• Proxecto Chuny Vázquez do CEIP ManuelRodríguez Sinde de A Guarda.

• No apartado de ciencias

• Arte da natureza do CPI Virxe da Saleta de Cea, Ourense

• O niño de Cecilia do CEIP Juan Rey de Lourenzá, Lugo.

• Na modalidade de Proxectos Interdisciplinares de 1º de ESO:

• No apartado de temática xeral:

• Danzas tradicionais de Cangas, do IESMontecarrasco de Cangas

• No apartado de ciencias

• Xogos, do CPI Cernadas de Castro de Lousame.

Entre o día 22 de outubro e o 26 de novembro, celebraremos no CAFI de Santiago de Compostela o curso Biblioteca escolar. Educación documental II. Os proxectos documentais.

Presentaremos experiencias valiosas das nosas bibliotecas, contaremos con Rosa Piquín a través de videoconferencia e para titorizar a fase práctica na Aula Virtual e co profesor Francisco Campos Freire, membro do grupo de investigación Novosmedios, que falará sobre a Axenda Dixital Europea.

O prazo de inscrición en Fprofe remata o día 5 de outubro.

Secuencia didáctica

Atopei esta presentación no blogue PORTAFOLIO DE PROFES. Non é un concepto novo, aínda que, tan apegados como estamos ao libro de texto, pode ser que non teña moita presencia nas programacións de aula.

Secuencia didáctica from Portafolio de Profes

Rematou o curso

Rematou o curso, si. E nesta última sesión Román abriunos as portas (e deixounas abertas a través dun seu blogue: AULA LGL e co enlace ao blogue de Xano: ALGUNHAS APLICACIÓNS MULTIMEDIA) á posibilidade de mudar a metodoloxía, desenvolver as competencias e dar protagonismo ao alumnado facilitando a súa autonomía coa utilización das TIC. As tres ferramentas que nos presentou:
GLOGSTER: para facer cartaces dixitais
goAnimate: para facer animacións
IKIMAP: para traballar sobre mapas, facer roteiros, etc
Son só unha mostra do que se pode facer, sen esquecer, nunca, que as TIC son unha ferramenta para mellorar o noso traballo como docentes.
Eu, pola miña parte, seguirei traballando nesta bitácora e nela irei metendo o que considero de interese para todos nós, para o noso traballo e non só...

Moita sorte e bo ánimo.

TRAFEGANDO RONSEIS

Na sesión do xoves fedellamos na literatura coas TIC (e sen TIC) da man de Gracia Santorum. Hai moita xente que sabe de literatura, pero pouca que transmita a paixón, que comunique e aporte posibilidades e métodos de achegar a literatura ás aulas.
Centrou a nosa atención sobre os álbums, que marabilla, non si?. Non lles vedes moitísimas posibilidades? E canta razón ten en que non son tan doados de entender... Non sei, pero a min fanme pensar nas catedrais, nas igrexas que contan historias en pedra.
Nesta presentación ( que non é a que nos fixo Gracia) podedes ver algo sobre o tema dirixido, máis ben, a Primaria.

O álbum Ilustrado

View more presentations from Anxos bibliotequeira

Gracia fíxonos ver que tamén en Secundaria se pode traballar cos álbums e que hai álbums para esa idade.
A miña recomendación é que sigades o seu blogue: TRAFEGANDO RONSEIS, onde sempre habedes de atopar libros e ideas.

Román Cerqueiro Landín. Sobre a primeira sesión

Mándame Román un correo no que me informa de que xa podemos consultar a presentación da súa primeira sesión: A integración das TIC na área de lingua e literatura.

Textualmente(eu tamén) escríbe Román: "Entre as ligazóns que hai na presentación, eu destacaría dous vídeos de Jordi Adell, especialmente o segundo, que define como nos debemos enfrontar ás TIC, tamén os docentes, para aprender a manexalas e innovar con elas no noso traballo. El fala de contornos virtuais de aprendizaxe e creo que é moi didáctico para os participantes en cursos como o noso xa que nisto das TIC grande parte da formación se fai desa maneira autodidacta.

Ademais, a seguinte reflexión de Xano tamén afonda nesa liña".
O vídeo está moi ben e moi clariño. A reflexión de Xano impresionante; coma o porco: aprovéitase todo. E a presentación de Román necesaria e pertinente.
Eu, coma sempre, recoméndovos que sigades o seu blogue e lle tiredes todo o proveito posible.

Segunda sesión do curso A LINGUAXE DAS NOVAS TECNOLOXÍAS.

Santiago Sobrino, relator desta sesión do 15 de marzo, achegounos á posibilidade de utilizar diversas ferramentas en rede.En concreto traballamos cos programas galegos EDILIM e ARDORA, e quedounos por mirar o programa de orixe catalán JCLIC, máis vello pero non menos útil. Con respecto a este último, eu recomendarái visitar a páxina de lapis de cores onde poderedes atopar un enlace para descargar e instalar o programa e tamén moitas actividades, xa feitas, que o voso alumnado pode utilizar directamente.

Deixounos un documento, que vos enlazo e podedes descargar aquí, con enlaces interesantísimos. Para descargar programas "libres", para utilizar actividades xa feitas, ou para facelas nós, titoriais para aprender a manexar estas aplicacións, e moito máis.

PRIMEIRA SESIÓN: UNHA REFLEXIÓN NECESARIA

Na sesión de onte Román Cerqueiro Landín fixo unha reflexión, atinadísima e moi necesaria, sobre a necesidade de mudar as nosas propias actitudes como docentes. As TIC son unha ferramenta de apoio ao cambio metodolóxico imprescindible.

As competencias básicas, a necesidade de traballalas desde cada área e como abordalas. A obriga que temos todos de actuar como mediadores para que o noso alumnado desenvolva a competencia de comunicación lingüística (Competencia), pero tamén a competencia de aprender a aprender, a competencia de autonomía e iniciativa persoal, competencia en tratamento da información e competencia dixital, competencia social e cidadá. E todas ellas sen sairse da área de lingua nin do PROGRAMA, PROGRAMA, PROGRAMA.

A LINGUAXE DAS NOVAS TECNOLOXÍAS

Hoxe empezamos o curso: "A linguaxe das novas tecnoloxías" (non tan novas, que diría un compañeiro).
Este primeiro día contamos con Román Cerqueiro Landín, profesor de lingua e literatura galega e coordinador do Equipo de Normalización Lingüística do IES de Porto do Son.
Moitos de nós seguimos o seu blogue: CADERNO DE LINGUA, blogue de aula de lingua e literatura galega.

Román ocupa a vice-secretaría d' A Coordinadora Galega de ENDL (Equipos de Normalización e Dinamización Lingüística) formada por equipos de centros públicos, privados e concertados.

Participou como relator en varios cursos sobre este tema:

• As bitácoras e o seu potencial educativo. O caderno de lingua

• Os blogues como recurso de aula

• Recursos da Web 2.0: elaboración dun blogue multimedia con Wordpress

• O blog da biblioteca

• Os blogs no desenvolvemento curricular

ANTÓN CORTIZAS e a transformación lúdica dos textos

O xoves 25 de novembro, teremos como relator a Antón Cortizas Amado, mestre de profesión, é un dos autores máis premiados e traducidos da literatura infantil e xuvenil galega, din del na páxina de Xerais.
É mestre con experiencia, foi Asesor da área de lingua e na de Bibliotecas Escolares no CFR de Ferrol e actualmente está destinado no IES de Canido. Participou en numerosos cursos e actividades de formación do profesorado. Sempre puidemos contar coa súa colaboración nos centros. Non quero esquecer o seu traballo como investigador e divulgador dos xogos tradicionais galegos.
Pola súa competencia como docente e como escritor temos garantida unha sesión amena e proveitosa.

CRISTINA NOVOA

Non hai nin que dicilo: lectura e bibliotecas están directamente relacionadas. Un curso sobre lectura que non contara cunha persoa experta en Bibliotecas, estaría imcompleto. Nós contamos, en Galicia, con dúas das persoas máis competentes do estado no tema de Lectura e Bibliotecas Escolares: Pilar Sampedro e Cristina Novoa.
A sesión deste xoves, 18 de novembro, estará a cargo de Cristina Novoa, asesora de Bibliotecas Escolares dos Servicios Centrais da Consellería de Educación da Xunta de Galicia.
É unha persoa próxima, á que todos coñecemos, pero non é doado contar con ela para un curso, porque está moi solicitada desde todas partes.
O traballo que levan adiante Pilar e Cristina está moi valorado fóra; espero que tamén nós saibamos valorar o que temos.
Para esta sesión, Cristina pasoume uns documentos moi interesantes e útiles que podedes consultar ou descargar desde aquí:
MATERIAIS DE CRISTINA NOVOA

ESTRATEXIAS DE COMPRENSIÓN LECTORA -1ª e 2ª sesións

O proceso lector: implicacións mentais. A lectura eficaz: estratexias do lector experto

Estas primeiras sesións estarán a cargo de Consuelo Allué Villanueva, doutora en Filoloxía Hispánica e asesora de Lengua y Literatura Castellana e Lengua e Literatura Vasca do Centro de Apoyo al Profesorado de Pamplona, Navarra.

Consuelo enviou xa gran cantidade de material e bibliografíasobre o tema que vai desenvolver no seu relatorio e que podedes consultar e descargar desde aquí:

Lago Chad

Qué hacemos con la lectura

Clij Valores

El gato con botas

Explora leyendo

Bibliografía

MATERIAIS DEVERSOS DE APOIO AO PROFESORADO:

Competencias

Exemplos de actividades lectoras

Estratexias

Leer y escribir

Nueve maneras de enseñar a los niños a odiar la lectura

ESTRATEXIAS DE COMPRENSIÓN LECTORA

Este luns, día 8 de novembro, empezaremos o curso "ESTRATEXIAS DE COMPRENSIÓN LECTORA". A través desta bitácora procurarei ir informando e colgando os materiais que me fagan chegar as relatoras e relatores do curso.
O profesorado que asistiu ao curso do ano pasado sobre PROXECTOS LECTORES ten xa este enlace e poderá tirarlle proveito, tamén, a esta nova actividade aínda que non poda participar como asistentes.
Para os novos visitantes deixarei aquí elazado un documento de Artur Noguerol (que se pode atopar na rede) que se titula: ESTRATEGIAS DE LECTURA PARA APRENDER e que ten moito que ver co tema que imos tratar.

ARTUR NOGUEROL

Doutor en Filoloxía Románica Hispànica. Profesor de lingua castelá e catalá no Bacharelato, EXB e BUP. Profesor de didáctica da lingua e a literatura na formación inicial e permanente do profesorado de Primaria e Secundaria.Ademais da formación permanente do profesorado, participou na elaboración de todos os currículos oficiais da Generalitat de Catalunya das áreas lingüísticas desde os programas renovados dos anos 80 aos actuais da LOE. Tamén impartiu diversos cursos sobre as estratexias lectoras no doutoramento.

El mesmo presenta a súa sesión así:
La lectura como actividad social en la Sociedad del Conocimiento
La reducción tradicional del acto de leer a la relación “texto lector” se tiene que rechazar y situar la lectura en los contextos sociales que estructuran el “texto” (escrito, audiovisual…): la industria comunicativa que lo ha producido, los intereses sociales en que se enmarca, la voluntad del escritor... En definitiva, leer es un hecho social que evidencia las relaciones sociales en las que se ha originado. Interpretar un texto tiene que surgir de los planteamientos críticos que se plantean las estructuras de poder que lo han producido y aquellas en que está inmerso el lector. La didáctica de la lengua (gallega, castellana, portuguesa…) tiene que plantearse cómo hacer presente esta realidad en las escuelas, el enfoque competencial nos da una bases adecuadas a este fin.

Bibliografía básica:

• NOGUEROL, A coordinador) Martínez, J; Permanyer, D; Ribelles, L; Serra, T (2005): " Ensenyar i aprendre llengua i comunicació en una societat multilingüe i multicultural" en Pacte Nacional per a l'Educació. Debat Curricular. Reflexions i propostes.Barcelona: Deparament d’Ensenyament Generalitat de Catalunya.
• NOGUEROL, A (2004): " Qui ensenya la llengua per aprendre?" en Àmbits de Psicopedagogia, nº 12, 10-16.
• NOGUEROL, A (2003): "Leer para pensar, pensar para leer: la lectura como instrumento para el aprendizaje en el siglo XXI" en Lenguaje, nº 31, 36-58.
• NOGUEROL, A (2003): " Estrategias de lectura para aprender. Aprender a leer y escribir en la diversidad (en un mundo en crisis)" en VI Simposio internacional: Lectura y Escritura: Investigación y Didáctica, de la Universidad de Los Andes, Mérida, Venezuela
• NOGUEROL, A (2001): "Com integrar i interpretar la informació" en Perspectiva escolar, nº260, 2-9.
• NOGUEROL, A. (1996): “Usos iconoverbales y enseñanza de la lengua” en Textos, 7: 9-18.
• NOGUEROL, A. (1994): Técnicas de aprendizaje y estudio. Aprender en el aula. Barcelona: Graó

ARTUR NOGUEROL - luns 30 de novembro

Bon día. Quero lembravos que o día 30, luns, rematamos o curso coa colaboración de Artur Noguerol. Pídovos que fagades un esforzo de puntualidade nese día.
Supoño que recibiredes, por correo electrónico, a notificación da enquisa. Para poder coñecer as opinións dos docentes, as súas demandas, etc. precisamos que fagades o pequeno esforzo de cubrilas. Graciñas.
Esta foto non é miña, claro, é do Servei Educatiu del Segrià, unha páxina con materiais moi interesantes, tamén para coñecer algo sobre as Biblotecas Escolares en Cataluña.

Juan Casal, IES Marquel de Suances, Ferrol

Juan Casal, responsable da Biblioteca Escolar do que aínda é IES Marqués de Suances (a Memoria Histórica anda anquilosada por falta de uso. Se queredes podedes informarvos no enlace anterior e tamén navegar por esta páxina de cultura galega que está moi ben) ofreceunos onte unha sesión cargada de formación e información, pero tamén de sensación compartidas.

Mércores 25- aula 209

O mércores mudamos de aula; pasamos á 209, que é unha aula de informática, para poder facer unha sesión práctica con utilización dos ordenadores. Por favos intantade ser puntuais para lle tirar proveito á sesión.

Materiais de XOAQUÍN FREIXEIRO

Xoaquín Freixeiro deixou onte a súa presentación cos materiais e enlaces para que poidamos revisala e sacarlle proveito.